༄༅།།རྣམ་དཔྱོད་མཆོག་ཏུ་ཡངས་པའི་ཁམས་པའི་སྨྱུག་ཚོགས་ཀྱི་ཚོགས་མི་ཡོངས་ལ་
ཆེད་ཞུ།
ཁམས་པའི་སྨྱུག་ཚོགས་ཀྱིས་མུ་མཐུད་ནས་འདོན་འགྲེམ་བྱེད་བཞིན་པའི་<<འབྲི་ཆུ་>>ཆེད་དེབ་འདོན་ཐེངས་ལྔ་པའི་ཆེད་དུ་སྐབས་༡༤ པའི་རྒྱུན་ལས་ཀྱིས་རྩོམ་ཡིག་བསྡུ་ལེན་བྱེད་རྒྱུའི་ཐག་གཅོད་བྱུང་བ་ལྟར། བརྗོད་གཞི་ངེས་མེད་ཐོག་རྩོམ་ལུས་དཔྱད་བརྗོད་དང་ལྷུག་རྩོམ། སྒྲུང་རྩོམ། བསྒྱུར་རྩོམ་གང་རུང་ཡིན་དགོས།
རྩོམ་པ་པོ་རང་ངོས་ནས་སོ་སོའི་རྩོམ་ཡིག་ལ་ཡང་ནས་བསྐྱར་དུ་ཞུ་དག་ལེགས་པོ་གཏོང་དགོས་པ་དང་། བརྗོད་བྱ་དང་རྗོད་བྱེད་གང་ཅིའི་ཐད་ནས་རང་ཉིད་རྩོམ་པ་པོ་ཞིག་དང་། ཁམས་པའི་སྨྱུག་འཛིན་པ་ཞིག་ཡིན་པའི་ངོས་ནས་ཚོགས་པའི་མཚན་སྙན་དང་ལ་རྒྱ་ལ་དགོངས་པ་ཟབ་མོ་བཞེས་དགོས་པ་དུས་ཀྱི་དགོས་མཁོ་རུ་གྱུར་ཡོད།
ཁམས་པའི་སྨྱུག་ཚོགས་ཀྱི་ཚོགས་མི་ཞིག་ཡིན་པའི་ཆ་ནས་རྩོམ་ཡིག་རེ་བྲིས་ནས་ངེས་པར་དུ་བསྐུར་དགོས་པ་ནི་ཚོགས་མིའི་འོས་འགན་ཞིག་ལ་ངོས་འཛིན་བྱས་ན་འཐུས།
གོང་གསལ་རྩོམ་ལུས་གང་ཡིན་ལ་མ་ལྟོས་པར་རྩོམ་ཡིག་གང་ཞིག་ཚག་བར་ལྔ་སྟོང་ལྔ་བརྒྱ་ལས་མ་བརྒལ་བ་དགོས། རྩོམ་ཡིག་གི་དུས་བཀག་ནི་ཕྱི་ལོ་༢༠༢༡ ཟླ་༡༢ ཚེས་༢༥ ནང་ཚུན་དུ་ངེས་པར་དུ་སྤྲད་ཟིན་པ་དགོས། རྩོམ་ཡིག་བསྐུར་ཡུལ་སྨྱུག་ཚོགས་ཀྱི་གློག་འཕྲིན་ཁ་བྱང་། khwritersgroup@gmail.com ཐོག་བསྐུར་དགོས། རྩོམ་ཡིག་གང་དེ་འབྲི་ཆུའི་ཆེད་དེབ་ནང་དུ་བཀོད་དགོས་མིན་ནི་བརྗོད་བྱ་དང་རྗོད་བྱེད་ཕྱོགས་ཡོངས་ལ་སྐབས་བབ་རྩོམ་སྒྲིག་ཚོགས་ཆུང་གིས་གཟིགས་ནས་མཐའ་མའི་ཐག་གཅོད་བྱ་རྒྱུ་ཡིན། དེ་བཞིན་དེབ་ཀྱི་རྒྱབ་ཤ་དང་དེབ་ཚད། ཤོག་བུའི་རྒྱུ་ཆ། དེབ་ཨང་སོགས་རྒྱལ་སྤྱིའི་དཔེ་དེབ་ཚད་ལྡན་ཁག་དང་གཅིག་མཚུངས་ཀྱི་པར་བསྐྲུན་ཞུ་ཆར་ལག་ན་སྨྱུག་འཛིན་པ་ལྷན་རྒྱས་ནས་དེ་ལུགས་མཐོང་ཆེན་དང་རྒྱབ་སྐྱོར་ཡོད་པ་མཁྱེན། མཁྱེན།
ཁམས་པའི་སྨྱུག་ཚོགས་སྐབས་༡༤ པའི་རྒྱུན་ལས་ཐུན་མོང་གིས་༢༠༢༡/༩/༢༨ ཉིན་ཕུལ།
