ཤེས་རིག་ནོར་གྱིས་གྱེན་དུ་བཏེགས་པའི་ཅང་ཤེས་རྟ་ཡི་ཆོལ་ཁ་རུ།།
བྲག་སྲིན་ཨ་མའི་རིཊ་རུས་དྲི་མེད་མངལ་གྱི་ཉྭ་ལྕིབས་ཁོག་པ་ནས།
ལས་སྨོན་བཟང་པོ་དྲོད་ཀྱིས་སྨིན་པའི་འོད་ཆཊ་མུ་ཏིག་དཀར་པོ་ཞིག།
མདོ་སྨད་ས་ཡི་ཡུལ་དུ་ལྷུང་བས་འཇིག་རྟེན་མིག་གི་བདུད་རྩིར་གྱུར།།
དང་པོ་ཁྱེད་ཀྱི་རིགས་རུས་འཆུགས་མེད་རྒྱུས་ཡོད་ཀུན་ལ་ཞིབ་ཏུ་དྲིས།།
བར་དུ་སྒྱུ་རྕལ་སློབ་མཐར་ཕྱིན་པའི་རིམ་པ་དེ་དག་རྒྱུས་སུ་བླངས།།
ཐ་མར་ཁྲ་ཆུང་མིག་གིས་བལྟས་ཏེ་སྐྱེས་ལོ་བཟང་ངན་སྲང་ལ་བཅལ།།
ད་གཟོད་ཕྱི་ནང་ཀུན་མཛེས་མཐོང་བས་བརྩེ་བའི་མེ་ཏོག་སྙིང་གར་གས།།
ཆུང་དུས་དེ་ཙམ་འཆོར་པོ་མེད་ཅིང་སྒེག་ཉམས་སྟོན་འདོད་མེད་སྐད་གོ།
ན་ཚོད་རིམ་གྱིས་སྨིན་རིམ་བཞིན་དུ་སྙིང་ལ་ཇེ་སྡུག་ཇེ་སྡུག་གྱུར།།
བོད་པས་གར་ཁྱབ་འཛམ་གླིང་ས་ན་ཁྱོད་ཀྱི་མིང་ཡང་དེ་བཞིན་ཏེ།།
རྣ་བར་མཚན་སྙན་ལྡུད་མཁན་མང་བས་སྙིང་ཤར་ཟུག་པའི་ཚེར་མ་ཞིག།
རྒྱལ་ཡོངས་གླུ་གར་འགྲན་དུ་ཚོཊ་པའི་གར་སྟེཊ་ཤིག་ལ་རྒྱུ་བའི་དུས།།
ལྟ་མཁན་འབུམ་གྱི་དགའ་བའི་མེ་ཏོག་བུ་མོ་ཁྱོད་ལ་གཏོར་བ་མཐོང་།།
རྒྱ་སྐད་ཧ་ཅང་བྱང་ཆ་ཆེ་བས་ཕ་སྐད་རྨོངས་པ་མིན་ནམ་བསམས།།
རྗེས་སོར་ཕ་སྐད་གཙང་མ་སྨྲ་དུས་སོམ་ཉི་ཡི་རངས་ཤིག་ཏུ་གྱུར།།
ལ་ལ་སྐད་ངག་དྲི་ཟ་འདྲ་ཡང་ལུས་ཀྱི་རེག་བྱེད་ཉམས་འགྱུར་བྲལ།།
ལ་ལ་མཛེས་པའི་གཟི་འོད་འཕྲོཊ་ཀྱང་ངག་རིག་མེད་པས་ཉན་འདོད་བྲལ།
འགའ་རེ་རྒྱ་གླུ་ལེན་ལ་གྲགས་ཀྱང་ཕ་སྐད་མ་ཤེས་རིན་ཐང་དབེན།།
ཁྱོད་ནི་ཕྱི་ནང་གང་ལ་བལྟས་ཀྱང་ཅི་དགོས་འཛོམས་པའི་མཛངས་མ་ཞིག།
ཕྲ་ཞིང་ལྡེམ་པའི་སྐེད་སྐབས་བཀྲོལ་བས་གཟུགས་ཀྱི་ལྷ་མོ་ལྷ་ཡུལ་སྤྱུང་།།
གྲེ་བའི་དབྱངས་རྟ་འགྱུར་ཁུག་རེ་ཡིས་སྒྲ་ཡི་ལྷ་མོར་ཕྲག་དོག་བསྐྱེད།།
རང་བཞིན་གཤིས་ལ་འཛོམས་པའི་བཞིན་བཟང་རྒྱ་ཁྲོམ་དཀྱིལ་དུ་སྟོན་པ་ན།།
རང་མདོག་བྱུག་རྩིས་དཀར་པོར་སྒྱུར་བའི་མཆུ་དམར་ཚོཊ་ལ་མྱ་ངན་སྟེར།།
ཕྱི་གླིང་ཡུལ་སོགས་གླུ་རེ་བླངས་ན་དགའ་བའི་ཀི་ཤར་ལྷང་ལྷང་ཁྲོད།།
ལྟ་མཁན་འགའ་རེ་མཚར་རྒུས་བསྐྱེད་ནས་ཁྱོད་ཀྱི་མིང་ནི་ཡང་ཡང་ཟློ།།
ངོ་སོ་ཁྱེར་བའི་བོད་རིཊ་དག་མས་དར་དཀར་མཛོད་ཀྱིས་གཏུམས་པའི་དུས།།
བརྗོད་དུ་མེད་པའི་སེམས་ཚོར་བདེ་བའི་རྦ་རླབས་ཇི་ལྟར་འཕྱུར་ལཊ་སམ།།
ལ་ལ་དགའ་བ་འབུམ་གྱིས་མྱོས་ཏེ་ཁྱོད་ཀྱི་བཞིན་ལ་ཧད་ཀྱིས་གཡེངས།།
ལ་ལ་ངོ་མཚར་འབུམ་གྱིས་བསྐྱེད་པས་མགོ་བོ་ཕྲེད་དུ་གཡུག་གཡུག་བྱེད།།
ལ་ལ་གཟུགས་པོ་ཐུང་བས་མི་མཐོང་ཁྲོམ་གྱི་དཀྱིལ་ནས་གནམ་ལ་འཕགས།།
ལ་ལ་ཁྱོད་ལ་གཡེང་བའི་སྐབས་ནས་སྒོར་མོ་བརྐུས་པ་མ་ཚོར་གྲགས།།
མ་བཅོས་ཁྱོད་ཀྱི་འཛུམ་ལ་བལྟས་ན་སེམས་ན་བྱམས་བརྩེ་འཁྱིལ་བ་དཔོཊ། ལང་ཚོས་དྲེགས་པའི་ཟུར་མིག་རེ་ཡིས་ལྟ་མཁན་རེ་ལ་འཛུམ་རེ་བསྐྱིལ།།
སྐྲ་དཀར་རྒན་པོས་མིག་ལྤཊ་འབུར་བཞིན་ཁྱོད་ཀྱི་ལང་ཚོར་ལྟ་བྱེད་ན།།
ཤ་རྒྱས་ཁྲག་གསར་བདག་ཚོ་འདྲ་ལ་ཁྱོད་ཀྱི་སྣང་བརྙན་ལོས་ཀྱང་འཆར།།
ས་ཡ་དྲུག་པོས་ཁྱོད་མིང་འབོད་པས་ལྕེ་ལེབ་དམར་པོ་སྲབ་ཏུ་གྱུར།།
བྲང་ཁོག་སྙིང་ལ་སྒོམ་གྲངས་མང་བས་མདུན་ན་ཡོད་པའི་སྣང་བ་ཤར།།
གལ་ཏེ་སེམས་རྩ་དྲོན་མོ་མྱོང་བའི་ལས་སྐལ་སུ་ལ་ཡོད་གྱུར་ན།།
རུས་དཀར་ས་ལ་མ་འཐོར་བར་དུ་མཛའ་གཅུགས་རྡོ་རྗེ་ཞིག་མི་འགྱུར།།
ཡིན་མདོག་སྒེག་ཉམས་སྟོན་མཁན་མང་བའི་དེང་གི་ས་མཐོ་ཕང་བ་ན།།
ཁྱོད་ཀྱི་དྲུང་ན་གར་མཁན་བྲན་མོའི་མིང་བྱང་ཙམ་ཡང་ཐོབ་དཀའ་ཞིང་།།
མི་འགྲུབ་སེམས་ཀྱི་རྨི་ལམ་དེ་དག་གལ་ཏེ་གཟུགས་སུ་གྲུབ་གྱུར་ན།།
འབྲོང་ཁྱིམ་དུད་ཚང་ཟོག་ལྷས་རེ་ལ་གཡང་མཚོ་རེ་རེས་འབྲི་རེ་འཇོ།།
གྲེ་འགྱུར་སྙན་མོ་རྣ་བར་ལྡུད་ཚེ་ཀུན་གྱི་གདོང་ལྤགས་ཚ་ཤེད་རྒྱུགས།།
བསོད་ཅན་སུ་ཡིས་ཁྱིམ་ལ་བསུ་ཡོང་རེ་བ་ཅན་ཚོ་རྔམས་ཤིང་འཇིགས།།
སོམ་ཉིའི་དྲ་བ་ད་དུང་མི་ཆོད་རེ་དོགས་ལྕགས་སྒྲོག་དམ་པོས་བསྡམས།།
ནོམ་ཆེན་སུ་ཞིག་སྙིང་ལ་ཉར་ཡོད་ད་དུང་མི་ཤེས་དཀོན་མཆོག་མཁྱེན།།
དེ་རིང་མལ་ཁང་གྲུ་བཞིའི་ནང་དུ་དཔེ་ཀློག་མང་བས་ཉོབ་སྣང་ཤར།།
ཁང་རྩེར་ཕྱིན་པས་རྒྱང་ལྟ་བྱས་ཀྱང་རབ་རིག་གབ་པའི་དྲན་པ་ལྡིབ།།
ཚོར་འདུ་ཕྲ་མོས་དྲ་བའི་ལམ་ནས་ཁྱོད་ཀྱི་ངག་ལ་བསྐྱར་ཉན་བྱས།།
ཉོབ་སྣང་སངས་པའི་རིན་པའི་དོད་དུ་སྙན་ཚིག་མེ་ཏོག་མགུལ་དུ་སྤུར།།
དུང་ཚད་ཀུན་གྱི་མིག་གིས་ལོངས་སྤྱོད་ཙམ་ལས་ཐོབ་པའི་རེ་བ་བྲལ་ཞིང་།
ཤེལ་སྒོའི་ནང་གི་མོག་མོག་མིག་གིས་ལོངས་སྤྱོད་པ་ཙམ་ལས་ཟས་སུ་ལོངས་སྤྱོད་རྒྱུ་མེད་པ་དང་མཚུངས་སོ།།
